Clubs 1º,2º de ESO e Fácil Lectura - CHARLA CON PAULA, COOPERANTE NA INDIA.

 Como actividade complementaria das lectura de Jordi Sierra i Fabra, tivemos a sorte de poder contar con Paula, que estivo connosco falándonos da súa experiencia como cooperante nunha ONG na India.

A través das súas fotografías,falounos de moitas cousas:do seu traballo coas rapazas e rapaces, da situación da muller, das comidas, vestimentas, relixións, costumes, de Bollywood,...

Aprendemos moitísimo. Grazas Paula!

Sesión Jordi Sierra i Fabra-1º e 2º de ESO

O luns 31 de marzo reunímonos para comentar a nosa lectura do 2º trimestre.

Na parte común da sesión, coñecimos un pouco mellor ao autor e a súa obra.

www.librosalfaguarajuvenil.com

Despois cada grupo intercambiou opinións do libro coa súa coordinadora. 

Os do Club de 2º de ESO, estivemos vendo a páxina da fundación Vicente Ferrer, para coñecer a este gran home e toda a labor que desenvolveu.

www.fundacionvicenteferrer.org

Tamén vimos a páxina do RDT ( Rural Development Trust ), que foi o hospital no que se inspirou o autor para o libro. 

http://rdtfvf.org/

Henar falounos das castas e principalmente dos dálits, casta á que pertence Viji. E pensar que algunhas de nos estaríamos xa casadas e con fillos se vivesemos na India!

E para finalizar, escoitamos a canción de Bob Dylan, Knocking on even doors, que da título ao libro.

Chamando ás portas do ceo - Club 2º de ESO

Silvia, estudante de Medicina, marcha á India para traballar como cooperante durante o verán nun hospital situado nun perdido lugar do mundo. Ao facelo, enfrontáse cos seus pais e co seu noivo, e toma así, seguindo o seu instinto e o seu corazón, unha decisión que cambiará a súa vida e a súa forma de pensar. Na India coñecerá a dor e o sufrimento dos que non teñen nada, pero tamén a alegría e a paz da súa conciencia, e vivirá a cabalo non de dous, senón de tres mundos: por un lado Arturo, que a espera en España; por outro Leo, o médico, cooperante coma ela, capaz de renunciar a todo por estar alí; e, finalmente, Mahendra, o hindú que garda o máis doloroso dos segredos e que a introducirá nun novo horizonte sen fronteiras.