BO NADAL!!

O PROMETIDO E DÉBEDA!!

Atendendo ás vosas peticións, aquí tedes as novidades para o Nadal!

Sesión 1º de ESO-EL SECRETO DE IF de Ana Alonso e Javier Pelegrín

O luns 9 de decembro reunímonos para falar do libro. Primeiro visionamos un powerpoint de fantasía épica, xénero literario ao que pertence a novela, para entrar en materia. Descobrimos varias obras que non coñecíamos. Falamos das pelis e series baseadas nesas obras, de videoxogos e tamén de Laura Gallego, Ana Alonso e Javier Pelegrín. Algúns incluso recomendamos algunha triloxía do xénero:
                          

Posteriormente, intercambiamos impresións  sobre o libro. Gustounos moito a todos e coincidimos en que o final e totalmente aberto. Incluso imaxinamos  como sería a segunda parte.Vimos tamén a edición ilustrada para ver se os personaxes eran como os imaxinábamos. ¡A sesión deu para moito!

Sesión 2º de ESO-PODEROSA de Sérgio Klein

O luns 2 de decembro, reunímonos para falar do libro.

- Gustounos bastante a todos/as en xeral aínda que pensamos que algunhas historias non quedaron ben pechadas.

- Debatemos a cerca de como Joana usa o seu poder e falamos de como o usaríamos nós no seu lugar.

-  Henar e Yolanda contáronnos quen era Xoana de Arco e explicáronnos tamén que é o S.P.

- Falamos de piercings e tatoos,de se nos faríamos un e dos que teñen as nosas irmáns  e nais!

- Finalmente, todos pensamos no que faríamos se tivesemos o poder de Joana por un día no instituto.

      Antía: Transformaría o instituto para que deixe de parecer un cárcere e cambiaría o son da serea!

      Daiana: Transformaría a todo o mundo en anime !

      Noel: Faría desaparecer os exames!

     Oumar: Transformaría os libros en videoxogos!

     Roi: Pararía o tempo na metade dun exame para poder copiar as respostas!

     Noa: Transformou o instituto nunha película de ciencia ficción!

      Laura: Pediría máis días de poder!

     Yolanda: Que todos fósemos boísimos en tecnoloxía!

      Henar: Que todos falásemos perfectamente francés!

E por suposto, algúns imos ler Poderosa 2 porque queremos saber que vai pasar con algunhas das historias.

SESIÓN 4º DE ESO-O BOSQUE DE LEVAS. Película e encontro co autor.

O xoves 14 de novembro, as alumnas do Club de 4º fomos ao auditorio do Concello ver a película baseada na obra que lemos no Club. Despois do visionado, o autor charlou connosco explicándonos entre outras cousas como se adaptou a novela á pantalla ou como se filmou a escena das ratas no barco. Para rematar, asinou os exemplares que lle levamos.

Grazas á profe Antía por convidarnos a participar nesta actividade tan completa organizada polo Equipo de Normalización Lingüística do Concello de Vigo.

Marta Rivera de la Cruz

 

O martes 23 de outubro, achegámonos á libraría Cronopios de Pontevedra para coñecer a Marta Rivera de la Cruz. Os de 2º de ESO recordarédela polo libro de Sombras que tanto vos gustou. Ela acordábase de nós e asinounos uns cantos exemplares, así como un cartel que xa poñeremos na biblioteca.  ¡Grazas Marta!

 

 

 

 

 

O bosque de Levas - 4º de ESO

                                                                                      

                    

Unha novela repleta de humor na que un estraño personaxe vido do alén aparece na Galicia do século XX. Un liberal axustizado durante o reinado de Fernando VII, vai visitar, por obra e graza da arte narrativa, a Galicia de finais da centuria pasada. Co recurso do contraste entre dúas realidades históricas, esta divertida novela introdúcenos nun universo literario que opta polo humor como vía de interpretación da realidade.

Notre-Dame de Paris - Club de Français

Résumé

Au printemps 1482, la cathédrale de Notre-Dame assiste impassible aux joies et aux horreurs du Moyen Âge. Quatre personnages dominent la scène : Quasimodo, l’archidiacre de Notre-Dame, Esmeralda et Phœbus de Châteaupers.
Victor Hugo nous raconte l’histoire de ces destinées qui se croisent et nous entraînent vers un dénouement tragique.

La Isla del tesoro - Fácil lectura

 

Sinopse

Un misterioso mariño cunha pata de pau escóndese na pousada Almirante Benbow, e dende o momento en que o mozo Jim Hawks se apodera do mapa dunha illa deserta onde se esconde unha fortuna en ouro roubado, nada volverá ser igual.

Jim, Squire Trelawney e o doutor Livesey embárcanse xunto ao capitán Smollet na Hispaniola rumbo á máis fascinante aventura de todos os tempos. Pronto descubrirán que a tripulación está formada por viláns e filibusteiros ás ordes de John Silver, cociñeiro e pirata a bordo, quen tamén cobiza o tesouro...

Poderosa-Club de 2º de ESO

A vosa primeira lectura é...

 

Sinopse

Unha moza normal, chamada Joana, posúe o poder de cambiar o que ocorre ao seu redor. A partir de que se dá conta deste poder, Joana comeza a escribir cousas que se farán realidade sempre que escriba os seus desexos coa man esquerda.

 

Podedes vir á biblioteca o martes 29 de outubro no primeiro recreo recoller o voso exemplar.

Coidado, haberá preguntas, ¡así que mirade ben a portada e lede a información que tedes a continuación!

 

http://www.slideboom.com/presentations/239798/poderosa

El secreto de If - Club de 1º de ESO

¡Aquí tedes a vosa primeira lectura!

Podedes vir á biblioteca o venres 25 de outubro no primeiro recreo recoller o voso exemplar.

Coidado, haberá preguntas, ¡así que mirade ben a portada e lede a información que tedes a continuación!

 

Sinopse 

A princesa Dahud acode a If, o único reino onde conviven seres máxicos e humanos, para casar co futuro rei. Que hai de estraño neste matrimonio xa convido dende o berce? Criaturas monstruosas,complexos enigmas e forzas poderosas aglutínanse neste fantástico libro.

 

Comezamos!

O luns 30 de setembro e o martes 1 de outubro, o alumnado do Club foi polas aulas para animar aos seus compañeiros e compañeiras a apuntarse no Club. 


¡Que non se diga que non estades avisados!

Clausura do Club

Para clausurar o Club, elaboramos unha pequena enquisa para coñecer a vosa valoración. Aquí tendes un breve resumo do que máis vos gustou .

1º e 2º  de ESO:

• Sombras de Marta Rivera de la Cruz.
• Visita da Biblioteca Pública do Casco Vello de Vigo.
• Comer todos xuntos no instituto os luns en que había sesión.

3º de ESO:

• O contacontos que preparamos para o CPI Frián.
• Comer todos xuntos.

1º de BACH:

• Visita da Residencia Geriatros e elaboración dun libro.
• L’Avare de Molière.
• Visita da Biblioteca Pública do Casco Vello de Vigo.

FÁCIL LECTURA:

• Miniserie da Illa do tesouro.
• Elaboración do vídeo coas opinións do Principiño.

En canto ó blog:

·         Información complementaria do libro.

·         Fotos das sesións ou saídas.

·         Vídeos das actividades.

¡Grazas polas vosas opinións!

La isla del tesoro

No Club de Fácil Lectura  traballamos coa versión adaptada da Illa do tesouro. Tivemos unha sesión semanal na que lemos en voz alta e fixemos todo tipo de actividades para facilitar a nosa comprensión lectora, enriquecer o noso vocabulario e mellorar a expresión. Visionamos  a miniserie baseada no libro e fixemos unha merenda. 

 

 ¡O curso que vén queremos seguir no Club!

De esquerda a dereita: Lucía, Santi, Cristian, Christopher e Alex

Disfrutando coa peli

Merendando

Sombras de Marta Rivera de la Cruz

Hoxe 27 de maio, reunímonos os membros do Club de 1º e 2º de ESO para falar do último libro deste curso.

Gustounos moito a tod@s porque a trama era realmente intrigante e a forma de narrala moi lograda. Entre outras cousas debatemos a cerca do título e decidimos preguntárlle á autora porque llo puxera xa que nós tiñamos varias opinións ao respeto. Tamén falamos do final; pensamos que é un pouco precipitado xa que queda algún interrogante por resolver. Será porque a autora ten pensado facer unha segunda parte?!

Para rematar a sesión, visitamos a páxina de Marta Rivera e mandámoslle unha serie de preguntas sobre o libro. Estamos impacentes por recibir resposta!

Estas son algunhas das preguntas:

1.- Que significado ten o título?
2.- Como preparaches a trama?
3.- En que te inspiraches para facer a historia?
4.- Por que o libro comeza coa historia do can?
5.- Pensaches nalgún pobo que existe realmente e o adaptaches para a novela?
6.- Tes pensado facer unha segunda parte?
 

     

Xantando na herba

Postres caseiros

Elaborando preguntas

Visitando a páxina da autora

Contacontos no Frián

Os días 29 e 30 de abril, o alumnado do Club de 3º de ESO estivemos no cole Frián contándolles contos aos rapaciños e rapaciñas de Infantil e 1º curso de Primaria. Pasámolo moi ben e foi para nós un pracer voltar ao noso antigo cole onde nos recibiron con moito agarimo! 

Moitas grazas a todos e todas, e en especial a Maite e Mónica pola súa valiosísima colaboración.

Neste enlace, podedes ver a reseña sobre a actividade que fixeron no blog do Frian: http://olardefriancinho.blogspot.com.es

DÍA DO LIBRO

FELIZ DÍA DO LIBRO A TODAS E TODOS!

 

Traballo elaborado pola profesora Amalia e o seu alumnado de 2ºESO B

Visita da residencia Geriatros

O mercores 10 de abril, o club de 1º de Bacharelato fomos á residencia de anciáns Geriatros facer unha actividade cos avós e avoas que alí residen. Aquí tendes o noso guión de presentación e un vídeo que relata o noso paso por alí. Foi para tod@s nós unha experiencia inesquecible.

Boa tarde,

Somos participantes do Club de Lectura do Instituto República Oriental do Uruguai que está aquí ó lado. Cando estabamos programando actividades, pareceunos unha boa idea contactar con vós xa que, a pesar de estar tan preto non nos coñeciamos e apetecíanos romper esa barreira interxeracional.

Sentimos curiosidade por saber como erades cando tiñades a nosa idade e por iso ocorréusenos elaborar unhas entrevistas para que as vosas vivencias nos servisen de aprendizaxe e ó mesmo tempo puidesedes revivir eses bos momentos.

Posteriormente, con todo o recompilado, faremos un libro coas vosas historias para que o teñamos todos de recordo.

Moitas grazas pola vosa colaboración e por permitirnos estar hoxe aquí. Esperamos pasar un bo momento.

Se queredes ver as preguntas que lles fixemos, téndelas na marxe dereita do blog.